Sóley er nýja uppáhalds kakan mín.
Oft er það einfalda best og í þessu tilfelli er það rétt. Sóley er dásamlega bragðgóð, fljótleg og ekki skemmir fyrir að hún er án viðbætts sykurs. Svo inniheldur hún fá og góð hráefni.
Hráefni
Botn
5 eggjahvítur
190 gr döðlur
2 dl kókosmjöl
70 gr suðusúkkulaði með saltkarmellu og sjávarsalti
Krem ofan á
70 gr suðusúkkulaði ( venjulegt )
2 mats kókosolía ( ég nota alltaf lykt og bragðlausa )
1/2 dl kókosmjólk, bara þykka rjómann. Má sleppa en gerir kremið betra
Aðferð
Byrjið á því að hita ofninn í 180 gráður
skerið döðlurnar og súkkulaðið í bita
Þeytið eggjahvíturnar þar til þær eru alveg stífar, blandið döðlunum, kókosmjölinu og súkkulaðinu varlega saman við þær með sleikju.
Smyrjið hringlaga kökuform og setjið blönduna og dreifið henni jafnt í botninn
bakið í ofninum í 20 mínútur.
Krem
Setjið í pott, suðusúkkulaði, kókosolíu og kókosmjólkina og hitið á lágum hita þar til allt er vel bráðnað saman.
Kælið bæði kökuna og kremið áður en að kremið er sett ofan á kökuna.
Skreytið að vild, mig langaði það skreyta kökuna með blómum en það er ekki mikið úrval í mínum garði. En nóg af Sóleyjum og hverjum vantar ekki smá gulan lit í lífið.
Njótið vel með sól í hjarta.
Comments