Sumarsnúðakaka með vanillurjóma-kremi

Í tilefni sumardagsins fyrsta þá bökum við þessa dásemd, hún færir okkur sól í hjarta.

Deig

350. gr hveiti

50. gr sykur

50. gr smjör

1. egg

180. ml mjólk

2 1/2 tsk ger

1 tsk salt

Aðferð

Setjið hveiti, salt, sykur og ger í hrærivélaskál.

Setjið smjör og mjólk í pott og bræðið við vægan hita, þar til þetta er orðið volgt og smjörið bráðið. Hrærið þetta saman og hellið út í hveitiblönduna og að lokum brjótið eggið út í.

Notið krókinn á hrærivélinni til að hnoða þetta saman.

Deigið er frekar blautt og ég bætti í það 2. tsk af hveiti á meðan ég lét það hnoðast í ca 3. mínútur.

Það er tilbúið þegar það fer að losna frá skálinni.

Setjið plastfilmu yfir skálina og látið hefast á hlýjum stað í 40. mín. (ég set alltaf skálina við ofninn í eldhúsinu ef ég er að láta eitthvað hefast )

Eftir að deigið hefur hefast, setjið það á hveitistráð borð og hnoðið lítillega.

Fletjið það út í ca stærð 42x30 cmog smyrjið með smjöri og að lokum dreifið púðursykurblöndunni yfir.

Þar næst skiptið deiginu í sex renninga, gott er að nota pizzaskera eða beittan hníf til þess.

Rúllið fyrstu lengjunni upp í lítinn snúð og leggið ofan á næstu lengju og rúllið svo upp svo koll af kolli.

Setjið snúðakökuna í hringlaga form, ég notaði eldfast glerform.

Látið hefast á hlýjum stað í 1. klukkutíma og 30. mínútur

Inn í snúðakökuna

100. gr púðursykur

2. tsk kanill

Blandið saman kanil og púðursykri.

Smjör við stofuhita til að smyrja á deigið áður en púðursykurblanda er sett yfir

Bakið við 170 gráður í 45-50. mín. Fylgist vel með kökunni og ef ykkur finnst hún vera orðin dökk leggið þá álpappír yfir hana og bakið áfram. Það er líka allt í lagi að þrýsta létt ofan á kökuna ef ykkur finns hún bakast þannig að hún sé mishá.

Ofan á snúðakökuna

1. bolli flórsykur

1. dl rjómi

1. vanillustöng (ef þið eigið ekki vanillustöng notið þá 1/2-1 tsk vanilludropa en það er alls ekki sambærilegt )

Hrærið saman flórsykrinum og rjómanum.

Skafið fræin úr vanillustönginni og bætið út í blönduna.

Hellið yfir kökuna þegar hún hefur kólnað.