Ég er algjör nartari, ég veit ekkert betra en að eiga til heimagert góðgæti í frysti sem ég get nælt mér í þegar löngun í eitthvað sætt og gott grípur mig. Þessar trufflur eru eitt af þvi sem ég á oft til og tekur ekki langan tíma að útbúa.
Innihald
250. gr döðlur
1. poki hunangs jarðhnetur eða hnetur að eigin vali ( 150 gr. )
1/2. bolli sólblómafræ
70. gr .suðusúkkulaði
2. bollar grófvalsað haframjöl
1. mats kakó ( Nóa Sírus er voða gott )
kakó til að velta truflunum upp úr
Aðferð
Setjið döðlurnar í pott og vatn þannig það fljóti aðeins yfir þær. Hitið að suðu og slökkvið undir, látið döðlurnar liggja í vatninu þangað til þær eru orðnar mjúkar. Hellið vökvanum af þeim og setjið í matvinnsluvél ásamt öllu hráefninu. Mixið vel saman og búið til kúlur og veltið þeim upp úr kakóinu. Mér finnst best að nota hanska því deigið er frekar blautt.
Setjið í box og inn í frysti, kælið í ca 3. klst. ( geymið svo áfram í frysti )
Nælið ykkur svo í bita og bita.... já og annan bita ef þið viljið.
Eigðu góðan dag og njóttu þín í eldhúsinu.
Comments