Það er bara eitthvað við kjúklingasúpu sem lætur mig langa til að borða hana aftur og aftur. Ég fæ aldrei leiða á henni og sama hversu oft ég ber hana á borð fyrir fjölskylduna hún klárast alltaf.
Innihald
3. kjúklingabringur
1. gulur laukur
1/2. blaðlaukur
1. paprika rauð
1. flaska Heinz chillisósa
1. krukka salsasósa styrkleiki að eigin vali (ég nota oftast medium )
3. hvítlaukskrif
1/2 box rjómaostur
1. lítir vatn
salt og pipar eftir smekk
olía til steikingar
Undirbúningur
Saxið niður laukanna og paprikuna. Skerið kjúklingabringurnar í hæfilega bita
Aðferð
Hitið olíu á pönnu og mýkið laukinn, bætið þar næst paprikunni út í og kryddið lítillega með salti og pipar. Steikið í um það bil 2. mínútur.
Bætið þá salsasósunni, chillisósunni og vatninu út í og látið sjóða í 5. mínútur.
Setjið kjúklinabitana út í súpuna og sjóðið þar til þeir eru eldaðir.
Að lokum setjið rjómaostinn út í og látið hann bráðna í súpunni. Ekki láta súpuna sjóða eftir að rjómaosturinn er komin út í pottinn.
Berið súpuna fram með rifnum osti, sýrðum rjóma og nachosflögum að eigin vali.
Verði þér að góðu og gangi þér vel.
Comments