Hver elskar ekki pizzu?
Það er hefð hjá okkur eins og hjá mörgum að borða pizzu á föstudögum og að sjálfsögðu eigum við okkur uppáhalds pizzu sem við hreinlega fáum ekki leið á. Þetta hráefni smellpassar einhvern veginn svo vel saman.
Ég kaupi yfirleitt súrdeigs pizzabotn í Fjölval, ef hann er ekki til geri ég þennan.
Hráefni
Pizzabotn
5. dl hveiti
2. mats olía
2 tsk þurrger
1. tsk sykur
2-2 1/2 dl volgt vatn
1/2 tsk salt
Hrærið sykur og ger út í volgt vatnið og látið standa smá stund. Setið innihaldsefnin í hrærivélaskál, bætið gerblöndunni við og hnoðið í 3. mínútu. Setjið plastfilmu yfir skálina og látið deigið hefa sig í 40. mínútur.
Ofan á pizzuna
1 dós niðurskornir tómatar ( mér finnst best að nota frá Hunts með ristuðum hvítlauk )
sveppir
döðlur
rauðlaukur
spínat
rjómaostur
pizzaostur
heitt pizzakrydd frá Pottagöldrum
salt
pipar
Mér finnst miklu betra að nota tómata í dós heldur en pizzasósu, ég set alla tómatana á pizzuna en ekki allan safann, þá er hætta á að botninn verði of blautur. Svo er bara smekksatriði hvað við viljum hafa mikið af hverju á pizzunni okkar.
Gleðilegan pizzadag alla föstudaga.
Comments