Hráefni
500 gr hakk
1 paprika rauð
1 kúrbítur eða sveppir ( bara það sem ykkur finnst betra eða eigið til )
1 rauðlaukur
3 hvítlauksrif
1 flaska heinz chillisósa
10 sneiðar beikon
4 matskeiðar rjómaostur með svörtum pipar
2-3 tsk mexíkaninn krydd frá kryddhúsinu ( eða að eigin vali )
salt og pipar eftir smekk
Aðferð
Byrjið á því að skera niður grænmetið og steikið það á pönnu það til það verður mjúkt, bætið beikoni við og steikið í smá stund í viðbót.
Setjið hakkið og kryddið á pönnuna og blandið því vel saman við grænmetið, þegar það er orðið steikt hellið þá Heinz sósunni út á pönnuna og látið malla smá stund.
Því næst bætið rjómaostinum við og látið hann bráðna.
Látið malla í smá stund og smakkið til með kryddinu.
Yfirleitt ber ég þennan rétt fram eingöngu með fetaosti, en þegar liggur vel á mér hendi ég í gott salat eða hef hvítlauksbrauð með.
Ég elska salat og í þetta skiptið var innihaldið eftirfarandi
blandað salat
mangó
tómatar
pera
ferskar döðlur
rifin parmesan og avocado olía
Verði ykkur að góðu og njótið ykkar í eldhúsinu.
Comments