Afmæliskakan hans Óskars. Dásamlega osta/skyrkaka með hvítu súkkulaði og jarðaberjum

Þessi kaka er í einu orði sagt dásemd

Botn

1.pakki Lu karmellu kanilkex, mulið smátt

150. gr smjör

Bræðið smjör á pönnu og blandið kexinu saman við. Þrýstið kexinu niður í hringlaga smelluform. Geymið inn í ísskáp á meðan þið gerið blönduna sem fer ofan á.

Ostaskyr-blanda

400. gr rjómaostur

1. dós skyr með jarðaberjum og hvítu súkkulaði

400. ml þeyttur rjómi

5. matskeiðar flórsykur

1. teskeið vanilludropar

1. stórt box fersk jarðaber

200. gr Belgian hvítt súkkulaði með jarðaberjum (fæst meðal annars í Systrahorninu Patreksfirði)

Byrjið á því að þeyta rjómann og leggið hann til hliðar.

Bræðið súkkulaðið yfir vatnsbaði eða í örbylgjuofni og látið kólna aðeins.

Þeytið saman skyr og rjómaost í smá stund og bætið síðan flórsykrinum og vanilludropunum saman við.

Hellið súkkulaðinu saman við blönduna og þeytið vel saman, því næst er rjómanum blandað saman við með sleif.

Skerið rúmlega helminginn af jarðaberjunum í bita og setjið út í blöndum og hrærið saman við með sleifinni.

Dreifið blöndunni yfir kökuna og geymið í ísskáp í a.m.k 4. klukkutíma.

Notið afganginn af jarðaberjunum til að skreyta kökuna.

Njótið í góðum félagsskap og verðið ykku að góðu.